إعرفى إزاى تعملى الكيكه الاسفنجيه فى الخلاط :
المقادير :
3 بيضات
1 كوب زبادي
1 كوب زيت
1 كوب سكر
3 كوب دقيق
1 بيكنج بودر
1 ليمونه صفرا كبيره
رشه ملح
رشه فانيليا
بديل محسن الكيك
1/2 معلقة صغيرة كربوناتو
2معلقة كبيرة خل
طريقة التحضير :
قومى بوضع البيض والفانيليا والسكر والزبادي والزيت فى الخلاط واضربيهم مع بعض ابشرى الليمونه الصفرا بالمبشره وحطيها علي الخليط مع عصره 1/2 ليمون ثم قليبى الدقيق والبيكنج بودر والملح مع بعض وحطي عليهم المقادير السائله قليبى الكربوناتو والخل مع بعض وحطيهم علي خليط الكيكه .
ضعى خليط الكيكه في صينيه مقاس 24 مدهونه زبده ودخليها الفرن علي درجة حراره 180 لمده 40 دقيقه
لو صينيه مقاس 26 يبقي فيها مقدار ونص
كريمة التزيين
2 كوب كريم شانتيه بودر
2 كوب لبن ساقع
1 كوب سكر بودر
فواكه
سوداني مجروش
عشان تعملي كريم شانتيه مظبوط معاكى :
طريقة تحضير الكريم الشانتية :
بالمضرب الكهربا قومى بضرب كوبايتين كريم شانتيه مع كوبايتين لبن ساقع اوى مع كوبايه سكر بودر لو الكريم شانتيه خام واضربيهم كويس اوى مع بعض لحد مايتقل معاكى
قسمى الكيكه لثلاث طبقات وبين كل طبقة اسقيها بالعصير والفواكه والسوداني المجروش
غطى الكيكه كلها بالكريم شانتيه ودخليها الثلاجة شويه قبل ماتزينى وعلي الجوانب السوداني المجروش
زيني التورته حسب المتاح عندك من الفواكه
