من هنا من خلال موقعنا المميز نقدم لكم ملف شامل جميع انواع
الكعك / بسكوت / بيتى فور / غريبه / القرص والمنين
المعمول / البرازق/ الشكلمه / السابليه
احتفظى بيها هينفعك فى الأعياد والمناسبات وفى بيتك
ملف سهل وبسيط لكل ست بيت او المقبلين على الزواج
يلا بينا نعمل احلى حاجات فى البيت
بسكويت النشادر :
المقادير:
1/2 كيلو زبدة .
1 كوب سكر بودره .
5 بيضات .
1 باكو فانيليا .
1 كوب لبن .
ملعقه كبيرة نشادر .
3/4 كيلو دقيق .
1/2 ملعقه كبيرةبيكينج بودر .
1 ملعقه صغيرة ملح .
طريقه التحضير :
قومى باذابة النشادر بوضعها فى إناء على النار به لبن دافئ
اخفقى السكر مع السمن فى الميكسر واخفقيهم مع بعض حتى الوصول على خليط كريمى واضيفى البيض بيضه بيضه واضيفى فانيليا ونخفقهم مع بعض واضيفى اللبن بالنشادر واخفقيهم مع بعض , وفى بوله اخلطى دقيق وبيكنج بودر وملح وقلبيهم مع بعض واضيفيه على الخليط السابق واخفقيهم مع بعض حتى تجانس الخليط وضعيه فى كيس حلوانى
نجيب صاج وندهنه سمن ونقطع البسكويت ونرصه فى الصاج
وندخل الصاج الفرن على 160 درجه لمدة 10 دقائق
لوهنعمل البسكويت فى ماكينه البسكويت هنضيف كوب دقيق على الخليط السابق , ولو هنعمل البسكويت فى الماكينه لازم نضع العجينه الثلاجه تاخد تبريد .
