من هنا من خلال موقعنا المميز نقدم لكم ملف شامل جميع انواع
الكعك / بسكوت / بيتى فور / غريبه / القرص والمنين
المعمول / البرازق/ الشكلمه / السابليه
احتفظى بيها هينفعك فى الأعياد والمناسبات وفى بيتك
ملف سهل وبسيط لكل ست بيت او المقبلين على الزواج
يلا بينا نعمل احلى حاجات فى البيت
الكعك بحشواته :
المقادير :
1 كيلو كوب دقيق .
2 ملعقه كبيره دقيق سميد .
2 ملعقه كبيره سكر .
2\1 ملعقه كبيره ملح .
2\1 ملعقه كبيره ريحه كعك .
ملعقه كبيره ممسوحه بيكينج بودر .
نصف كيلو سمن بارده من العلبه .
كوب لبن .
(ريحه الكعك)
ملعقه صغيرة قرفه بودر .
ملعقه صغيرة قرنفل بودر .
ملعقه صغيرة حبهان بودر .
ملعقه صغيرة كبيبه صينى .
طريقه التحضير :
لعمل ريحه الكعك :
قومى بخلط القرفه والقرنفل والحبهان وكبيبه صينى وقلبيهم مع بعض فى بوله وضعى منهم نصف ملعقه كبيرة على الدقيق
فى الميكسر اخلطى الدقيق ودقيق السميد والسكر والملح والبيكبنج بودر وريحه كعك واخلطيهم مع بعض واضيفى السمن واخفقيهم مع بعض واضيفى اللبن واخفقيهم مع بعض حتى يتجانس الخليط واتركيها ترتاح نصف ساعه وغطيها وشكليها كرات وضعى كرات العجينه وقومى بتشكيلها بقوالب الكعك وقومى برصها فى الصاج واتركيها ترتاح ساعه فى الصاج( لازم نسيب الكعك يرتاح قبل التشكيل وبعد التشكيل ساعه)
وندخله الفرن على 180 درجه لمدة 25 دقيقه(ويجب ترك الكعك يبرد خالص فى الصاج ونشيله)(ممكن نحشي عجوة او عجميه او ملبن
ونرصه فى طبق التقديم ونرش عليه سكر بودر
لعمل الحشوات :
حشو العجوه : فى بوله نخلط زبدة وعجوة ونقلبهم مع بعض ونشكلها كرات صغيرة
حشو الملبن : فى بوله نخلط زبدة وملبن ونقلبهم مع بعض ونشكلها كرات صغيرة
حشو العجميه: فى اناء على النار نخلط زبدة ودقيق سمولينا وسمسم وقرفه وبندق ونقلبهم مع بعض ونسيبه يبرد ونشكلها كرات صغيرة
حشو عين الجمل : فى بوله نخلط زبدة وعين جمل وعسل ونقلبهم مع بعض ونشكلها كرات صغيرة
حشو الفسدق : فى بوله نخلط زبدة وفسدق وعسل ونقلبهم مع بعض ونشكلها كرات صغيرة
